Melancholy of a Helpless Moron

masaya ka nga, masaya ba sya?

sa tingin mo ba’y napapansin ka nya?

hindi mo lang ba maamin sa ‘yong sarili?

o sadyang tanggap mo lang na ika’y sawi…

ilang gabi mo s’yang iniisip,

ni hindi mo na nga magawang maidlip;

sa tingin mo ba’y tulad mo sya’ng nag-iisip,

o kanina pang nahihimbing at nananaginip…

handa mong gawin ang lahat para sa kanya,

pero ang totoo’y sarili’y nahihirapan na;

kelan ka ba matututo’t magtatanda,

hahayaan na lang bang malugmok sa pagkadapa?

siguro nga, kahit ilang beses ka niyang saktan,

maghihintay ka pa rin at aasang mapagbigyan;

mas hahayaan mong ika’y mabalewala,

kaysa tuluyan s’yang sa iyo’y mawala…

isang umaga magigising ka rin sa katotohanan,

at baka isang araw, lilipas din ang naramdaman…

This entry was posted on Tuesday, June 12th, 2007 at 7:04 am and is filed under Uncategorized. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.